BTN News

ក្តៅៗ ធនាគារមួយទៀតរបស់ អាមេរិក ប្រកាសក្ស័យធន់ ការរដួលរលំដ៏ធំបំផុតទី២ នៅក្នុងប្រវត្តិសាស្ត្ររបស់ខ្លួន

ធនាគារ The First Republish របស់អាមេរិកបានប្រកាសក្ស័យធន និងត្រូវបាននិយ័តកររដ្ឋ California រឹបអូសជាផ្លូវវការកាលពីថ្ងៃចន្ទ ហើយទ្រព្យសម្បត្តិទាំងអស់ត្រូវបានលក់ឲ្យធនាគារធំបំផុតរបស់អាមេរិក JP Morgan Chase ដើម្បីធានាប្រាក់បញ្ញើអតិថិជននៅក្នុងធនាគារ ។ ធនាគារ First Republic ដែលមានមូលដ្ឋាននៅរដ្ឋកាលីហ្វ័រញ៉ា ត្រូវបានគេស្គាល់ថា ជាអ្នកផ្តល់ការប្រាក់ខ្ពស់ដល់អតិថិជន ដែលមានទ្រព្យសម្បត្តិច្រើន។ ទ្រព្យសកម្មរបស់ខ្លួនមានចំនួន ២២៩.១ ពាន់លានដុល្លារ គិតត្រឹមថ្ងៃទី១៣ ខែមេសា លើសពីធនាគារ Silicon Valley ដែលទើបនឹងដួលរលំ នៅក្នុងខែមីនាទៅទៀត។

ថ្ងៃទី ៖ 03-05-2023, ដោយ BTN | 50 Views

សមាគមគ្រឿងសម្អាង CCA ជួបសំណេះសំណាលសមាជិកខ្លួន១២ក្រុមហ៊ុន ក្រោមប្រធានបទសំខាន់ៗមួយចំនួន

រាជធានីភ្នំពេញ៖យោងលិខិតផ្សព្វផ្សាយរបស់សមាគមCCA និង ព័ត៌មានផ្សព្វផ្សាយនានាបានអោយដឹងថាសមាគមនេះនិងជួបសំណេះសំណាលសមាជិករបស់ខ្លួនក្រុមទី១ចំនួនប្រហែលពី១០ ទៅ ១៥នាក់ នៅថ្ងៃទី 25-4-23នេះជាកំហិត។ គេឃើញសមាគមមួយនេះជួបជុំសំណេះសំណាលសមាជិករបស់ខ្លួនតាមការណាត់មែន ដោយមានសមាជិកតែ១២ក្រុមហ៊ុនទេចូលរួម ហើយបានលើកយកប្រធានបទសំខាន់ៗមួយចំនួនមកចែករំលែកដូចដែលបានគ្រោងទុកមែន។ តើ ប្រធានបទអ្វីខ្លះដែលសមាគមនេះលើកយកមក? បើយោងតាម លោក ឃាង លីមីញ នាយករដ្ឋបាលបានអោយដឹងថា នៅថ្ងៃទី ២៥នេះ សមាគម CCA បានលើកយកប្រធានបទសំខាន់ៗចំនូន ៤ និង បានប្រាប់អំពីអត្ថប្រយោជន៍នៃការចូលជាសមាជិករបស់សមគមផងដែរ។

ថ្ងៃទី ៖ 25-04-2023, ដោយ BTN | 16 Views

ការរឹបអូស ទ្រព្យបញ្ចាំទៅលក់ ដោយគ្មានការសម្រេចពីតុលាការ តើខុសច្បាប់ដែរឬទេ ?

ការអនុវត្តដោយបង្ខំ គឺជានីតិវិធីមួយដែលភាគីឈ្នះក្តីស្នើសុំតុលាការធ្វើនីតិវិធីបង្ខំដល់ភាគីចាញ់ក្តីឲ្យប្រតិបត្តិតាមសេចក្តីសម្រេចរបស់តុលាការឬសេចក្តីសម្រេចនៃស្ថាប័នយុត្តាធិការផ្សេង កំណត់ដោយច្បាប់ ដូចជាសេចក្តីសម្រេចរបស់មជ្ឈត្តករជាដើម។ សេចក្តីសម្រេចរបស់តុលាការនិងស្ថាប័នយុត្តាធិការផ្សេងនោះអាចពាក់ព័ន្ធនឹងការឲ្យសងជាប្រាក់ ពាក់ព័ន្ធនឹងការចាត់ចែងលើចលនវត្ថុ ឬអចលនវត្តុ។ល។ តើការអនុវត្តដោយបង្ខំប្រព្រឹត្តទៅដូចម្តេចខ្លះ? ការអនុវត្តដោយបង្ខំមានលក្ខណៈស្មុគ្រស្មាញ និងត្រូវអនុវត្តឲ្យបានត្រឹមត្រូវតាមនីតិវិធី បើមិនដូច្នោះទេនឹងត្រូវបានស្ថាប័នអនុវត្តលើកចោលឬលុបចោលជាមិនខានឬអាចនិយាយបានថាការឈ្នះក្តីជាការឥតប្រយោជន៍ឬមានតែលើក្រដាសប៉ុណ្ណោះ។ ហេតុនេះភាគីវិវាទ ជាពិសេសភាគីឈ្នះក្តីត្រូវពឹងពាក់មេធាវីជំនាញលើកិច្ចការនេះ សំរាប់ជួយដំណើរការនីតិវិធីអនុវត្តដោយបង្ខំរហូតដល់ចប់សម្រេចបានលទ្ធផលស្របតាមសាលក្រមឬសាលដីកាឬមជ្ឈត្តវិនិច្ឆ័យដែលខ្លួនទទួល បាន ដោយសារតែនីតិវិធីនៃការអនុវត្តដោយបង្ខំច្រើននិងបត់បែនទៅតាមប្រភេទកម្មវត្ថុនៃការអនុវត្ត នៅទីនេះសូមលើកយកត្រឹមជាសញ្ញាណខ្លះដើម្បីឲ្យបានស្គាល់ រីឯការងារលំអិតភាគីវិវាទគួជួបពិភាក្សាជាមួយមេធាវី៖ ក្នុងនីតិវិធីអនុវត្តដោយបង្ខំ គូភាគីវិវាទត្រូវបានកំណត់ជាឈ្មោះថ្មីដោយភាគីឈ្នះក្តីត្រូវបានហៅថា "ម្ចាស់បំណុលនៃការអនុវត្ត" រីឯភាគីចាញ់ក្តីត្រូវបានហៅថា "កូនបំណុលនៃការអនុវត្ត" ។ម្ចាស់បំណុលនៃការអនុវត្តត្រូវដាក់ពាក្យសុំការអនុវត្តដោយបង្ខំទៅស្ថាប័នអនុវត្តដែលអាចមានជា "តុលាការអនុវត្ត ឬអាជ្ញាសាលា" ហើយត្រូវបញ្ជាក់ពីនីតិវិធីដែលត្រូវអនុវត្តបង្ខំដោយផ្ទាល់ ឬការអនុវត្តជំនួស ឬវិធានបង្ខំដោយប្រយោល ។ ពាក្យសុំត្រូវភ្ជាប់ជាមួយនឹងលិខិតអនុវត្តដែលមានអនុភាពអនុវត្ត។ លិខិតអនុវត្តអាចជាសាលក្រមឬសាលដីកាចូលស្ថាពរឬបំពេញនូវចំណុចផ្សេងទៀតដូចចែងក្នុងមាត្រា៣៥០ នៃក្រមនីតិវិធីរដ្ឋប្បវេណី។ លិខិតអនុវត្តមានអនុភាពចាំបាច់ត្រូវតែមានរូបមន្តអនុវត្តភ្ជាប់ជាមួយលិខិតអនុវត្ត លើកលែងតែករណីរឿងក្តីប្រាក់តិចតួចឬករណីផ្សេងទៀតដូចមានបញ្ជាក់ក្នុងមាត្រា ៣៥៤ នៃក្រមនីតិវិធីរដ្ឋប្បវេណី។ ដើម្បីទទួលបានរូបមន្តអនុវត្ត ម្ចាស់បំណុលនៃការអនុវត្តត្រូវដាក់ពាក្យសុំពីតុលាការដែលគ្រប់គ្រងសំណុំរឿងនៃលិខិតអនុវត្តចូលស្ថាពរ។ សោហ៊ុយសំរាប់ការអនុវត្តនិងសោហ៊ុយសំរាប់នីតិវិធីត្រូវបានកំណត់ឲ្យបង់ ហើយបណ្តឹងតវ៉ា បណ្តឹងជំទាស់ ក៏ត្រូវបានអនុញ្ញាតឲ្យកើតមាននៅក្នុងនីតិវិធីអនុវត្តដោយបង្ខំនេះដែរ។ សរុបសេចក្តីមក ភាគីឈ្នះក្តីដើម្បីទទួលបានលទ្ធផលស្របតាមសាលក្រមឬសាលដីកាឬមជ្ឈត្តវិនិច្ឆ័យ... ក្រៅពីការអនុវត្តដោយស្ម័គ្រចិត្តរបស់ភាគីចាញ់ក្តី ត្រូវស្នើសុំការអនុវត្តដោយបង្ខំដែលជាវិធីត្រូវតែធ្វើ។ នីតិវិធីនៃការអនុវត្តដោយបង្ខំមានភាពស្រដៀងគ្នាទៅនឹងនីតិវិធីនៃការដោះស្រាយបណ្តឹងវិវាទដែរ ពីព្រោះមានការតម្រូវឲ្យបង់ប្រាក់ប្រដាប់ក្តី លក្ខខណ្ឌជ្រើសតាំងអ្នកតំណាងដោយអាណត្តិ នីតិវិធីនៃបណ្តឹងតវ៉ា បណ្តឹងជំទាស់ ហើយមានភាពបត់បែនទៅតាមកម្មវត្ថុនៃការបង្ខំឲ្យសងជាប្រាក់ ចលនវត្ថុ ឬអចលនវត្ថុ។ ការពឹងពាក់មេធាវីជំនាញពីកិច្ចការនេះ គឺជារឿងដែលត្រូវយកចិត្តទុកដាក់ដើម្បីអាចឲ្យលទ្ធផលនៃសេចក្តីសម្រេចជោគជ័យជាពិសេសក្នុងនីតិវិធីនៃបណ្តឹង ឬបណ្តឹងជំទាស់ត្រូវបានកំណត់ដោយច្បាប់តែម្តងថាអ្នកតំណាងដោយអាណត្តិត្រូវជាមេធាវី (មាត្រា៣៤៨ កថាខណ្ធទី១នៃក្រមនីតិវិធីរដ្ឋប្បវេណី) ៕

ថ្ងៃទី ៖ 30-03-2023, ដោយ BTN | 26 Views

តោះមកស្វែងយល់ចំណោទបញ្ហា ខាងក្នុង ខាងក្រៅ និង ដៃគូប្រកួតប្រជែងរបស់អ្នកស៊ីវិស័យគ្រឿងសម្អាង។

ពិតណាស់វិស័យគ្រឿងសម្អាងគឺជាតម្រូវការយ៉ាងចាំបាច់មួយរបស់អ្នកប្រើប្រាស់ជាច្រើនក្នុងព្រះរាជាណាចក្រកម្ពុជាយើង និង បានហុចផលប្រយោជន៍ជាច្រើនដល់ប្រទេសជាតិយើងតាមរយៈពន្ធដារ ពន្ធនាំចូល វិស័យដឹកជញ្ជូនជាដើម ។ល។។ ហើយការរកស៊ីវិស័យគ្រឿងសម្អាងមួយនេះអ្នករកស៊ីក៍គួតែចេះវិធីសាស្រ្តអ្វីខ្លះ ឬ ចំណេះដឹងពីចំណោទបញ្ហា ហានិភ័យនានា លើវិស័យនេះផងដែរ តួយ៉ាងដូចជា ហានិភ័យខាងក្នុង ខាងក្រៅ និង ហានិភ័យនានា ជាមួយដៃគូប្រកួតប្រជែងផងដែរ ដែលអ្នកស៊ីមួយចំនួនតែងតែលើកឡើងជាសំនួរ ឬ ចំណោទចោទបញ្ហាសួយ៉ាងច្រើនទៅវាគ្មិនផ្សេងៗ ក្នុងកម្មវិធីសិក្ខាសាលាបណ្តុះបណ្តាលលើកមុនៗរបស់សមាគមគ្រឿងសម្អាង CCA ។

ថ្ងៃទី ៖ 29-03-2023, ដោយ BTN | 61 Views

ហាង សាគូរ៉ា លក់សម្ភារៈប្រើប្រាស់មកពីប្រទេសជប៉ុន បន្តបើកសាខាទី១៥ របស់ខ្លួន និង ហាង ២ ដុល្លា មី-អា

រាជធានីភ្នំពេញ៖ បើយោងតាមលិខិតអញ្ជើញភ្ញៀវដើម្បីចូលរួមកម្មវិធី សម្ភោធហាងជាផ្លូវការ របស់ ហាងសម្ភារៈប្រើប្រាស់មកពិប្រទេសជប៉ុន យីហោ សាគូរ៉ា បានអោយដឹងថា ហាង សាគូរ៉ា និង មី-អាបន្តបើកសាខារបស់ខ្លួនទី ១៥ នៅថ្ងៃទី ២៤ ខែ មីនា ឆ្នាំ ២០២៣ ខាងមុខនេះ ដែលមានទីតាំង នៅតាមបណ្តោយផ្លូវជាតិលេខ១ សង្កាត់ វាលស្បូវ ខណ្ឌ័ច្បាប់អំពៅ រាជធានីភ្នំពេញ ។ អតិថិជនចាស់ៗដែលជាហ្វែនគាំទ្រសំភារៈជប៉ុនទាំងនេះបានលើកឡើងថា គាត់តែងតែទៅហាងនេះជាបន្តបន្ទាប់ដើម្បីសង្កេតមើលមានអីវ៉ាន់មកថ្មីៗបន្តទៀតឬទេ ដើម្បីបានដើរកំសាន្តផង បានមើលអីវ៉ានថ្មីៗមកដល់ផង មានមួយណាពេញចិត្តនិងបន្តរើស ឬ ទិញតែម្តង។ អតិថិជនទាំងនោះបានបន្តទៀតថា មានសំភារៈជជុះមួយចំនួន ជាអីវ៉ាន់ម៉ាកប្រែនល្អៗ និង ល្បីៗមួយចំនួនពីប្រទេសជប៉ុនផង និង ពីប្រទេសលោកខាងលិចផង ដែលជាសំភារៈផ្តាច់មុខ ឬ ផលិតផលមានដែនកំណត់ ដែលទាំងនោះជាសេចក្តីពេញចិត្ត និង អាយដលរបស់ខ្លួនផងដែរ។ បើតាមសំដីម្ចាស់ហាងតាមប្រព័ន្ធតេឡេក្រាម បានអោយដឹងថា៖ សំរាប់សាគូរ៉ាសំភារៈប្រើប្រាស់ពីប្រទេសជប៉ុន: យើងមានលក់សំភាៈដូចជា គ្រឿងសង្ហារឹម(តុទូកៅអី),សំលៀកបំពាក់,ស្បែកជើង,ប្រដាប់ប្រដារក្មងលេង,កាបូប,សំភារៈផ្ទះបាយ,គ្រឿងអង្លកានិងសំភារៈផ្សេងៗជាច្រើនមុខទៀត ដែលលក់ក្នុងតម្លៃសមរម្យតម្រូវតាមជីវាភាពនៃប្រជាពលរដ្ឋយើង។ ម្យ៉ាងទៀតសាខាថ្មីនេះគឺជា 1/សាខាទី១៥ នៅភ្នំពេញ 2/សាខាទី២៦ ទូទាំងប្រទេស សំរាប់ហាងមីអាផលិតផលជប៉ុន: យើងមានលក់ទំនិញប្រើប្រាស់ជាច្រើនមុខ ក្នុងតម្លៃតែមួយគឺ គ្រប់មុខ2$។ទំនិញនៅក្នុងហាង មានច្រើនជាង 1000មុខ។ សាខាបើកថ្មីនេះគឺជាសាខាទី ៧។គឺមាននៅក្នុងផ្សារអុីអន និង នៅខេត្តសៀមរាបផងដែរ ដែលមានទំនិញលើសពី5000មុខ។

ថ្ងៃទី ៖ 23-03-2023, ដោយ BTN | 107 Views

ហាងសំភារៈជជុះ ជប៉ុន សាគូរ៉ា បើកសាខាទី១៤របស់ខ្លួន

រាជធានីភ្នំពេញ៖ ហាងសំភារៈជជុះជប៉ុន យីហោ សាគូរ៉ាបានបើកដំណើរការអស់រយៈពេលជាង១០ឆ្នាំមកហើយ នៅថ្ងៃទី ១០ ខែ មីនា ឆ្នាំ ២០២៣ ហាងសាគូរ៉ាបន្តបើកសាខាទី១៤របស់ខ្លួនមួយទៀតដែលមានទីតាំង នៅតាមបណ្តោយផ្លូវវេងស្រេង ខាងកើតមជ្ឍមណ្ឌល k-mal ប្រមាណជាង២០០ម៉ែត្រ។ អតិថិជនម៉ូយចាស់ៗរបស់សំភារៈជជុះ យីហោ សាគូរ៉ា តែងតែបន្តគាំទ្រជាហូហែ រហូតដល់យីហោហាងមួយនេះបើកសាខាទី១៤របស់ខ្លួន និង ត្រៀមបើកសាខាទី១៥ឆាប់ៗខាងមុខនេះផងដែរ។ អតិថិជនចាស់ៗដែលជាហ្វែនគាំទ្រសំភារៈជជុះទាំងនេះបានលើកឡើងថា គាត់តែងតែទៅហាងនេះជាបន្តបន្ទាប់ដើម្បីសង្កេតមើលមានអីវ៉ាន់មកថ្មីៗបន្តទៀតឬទេ ដើម្បីបានដើរកំសាន្តផង បានមើលអីវ៉ានថ្មីៗមកដល់ផង មានមួយណាពេញចិត្តនិងបន្តរើស ឬ ទិញតែម្តង។ អតិថិជនទាំងនោះបានបន្តទៀតថា មានសំភារៈជជុះមួយចំនួន ជាអីវ៉ាន់ម៉ាកប្រែនល្អៗ និង ល្បីៗមួយចំនួនពីប្រទេសជប៉ុនផង និង ពីប្រទេសលោកខាងលិចផង ដែលជាសំភារៈផ្តាច់មុខ ឬ ផលិតផលមានដែនកំណត់ ដែលទាំងនោះជាសេចក្តីពេញចិត្ត និង អាយដលរបស់ខ្លួនផងដែរ។ បើតាមសំដីម្ចាស់ហាងបានអោយដឹងថា ក្នុងឪកាសបើកសាខាទី១៤នេះ គាត់បានបញ្ចុះតំលៃ៣០%លើមុខទំនិញទាំងអស់នេះ ហើយការបញ្ចុះតំលៃនេះមានរយៈពេល៣ថ្ងៃ គឺ ថ្ងៃទី ១០ ១១ និង ១២។ ហើយគាត់បានបន្តទៅទៀតថា រាល់ការទិញទំនិញអស់៣០ដុល្លា អតិថិជនគួយកវិក័យបត្រនេះសសេរលេខ ទូរសព័ទ្ធដើម្បីដាក់ក្នុងធុងឆ្នោតចាប់យករង្វាន់គ្រឿងសំអាងម៉ាក BIYO ដែលជាផលិតផលរបស់ប្រទេសជប៉ុនសុទ្ធ ហើយតំលៃមួយឈុតនេះគឺមានតំលៃរហូតដល់ ១២៨ដុល្លាឯណោះ ការចាប់រង្វាន់នេះក៍ធ្វើឡើងរយៈពេល០៣ថ្ងៃផងដែរគឺ ថ្ងៃទី ១០ ១១ និង ១២ ។

ថ្ងៃទី ៖ 11-03-2023, ដោយ BTN | 84 Views

ការស្នើសុំលិខិតអនុញ្ញាតសាងសង់.............

ថ្ងៃទី ៖ 10-10-2022, ដោយ BTN | 206 Views

នីតិវិធីមួយចំនួននៃការបង់ពន្ធលើអចលនទ្រព្យ

តើការស្នើសុំធ្វើ ប័ណ្ណសម្គាល់ការបង់ពន្ធអចលនទ្រព្យត្រូវភ្ជាប់ឯកសារអ្វីខ្លះ ? តើការប្រកាសនិងបង់ពន្ធលើអចលនទ្រព្យចាប់ផ្ដើមប្រមូលនៅពេលណា ? ករណីបង់ពន្ធលើអចលនទ្រព្យយឺតពេល តើត្រូវរងពិន័យដូចម្ដេច ? តើពន្ធលើអចលនទ្រព្យអាចបង់នៅទីកន្លែងណាខ្លះ ?

ថ្ងៃទី ៖ 28-09-2022, ដោយ BTN | 189 Views

ពន្ធប្រថាប់ត្រា

ស្វែងយល់អំពីពន្ធប្រថាប់ត្រា៖ តើឯកសារភ្ជាប់ក្នុងការដាក់លិខិតប្រកាស និងបង់ប្រាក់ពន្ធប្រថាប់ត្រាលើការផ្ទេរកម្មសិទ្ធិឬសិទ្ធិកាន់កាប់អចលនទ្រព្យ មានអ្វីខ្លះ ? តើពន្ធប្រថាប់ត្រាលើការផ្ទេរកម្មសិទ្ធិកាន់កាប់អចលនទ្រព្យត្រូវបង់នៅពេលណា ?

ថ្ងៃទី ៖ 27-09-2022, ដោយ BTN | 251 Views

ពន្ធប៉ាតង់

តើសហគ្រាសអ្នកជាប់ពន្ធធំត្រូវបង់ពន្ធប៉ាតង់ចំនួនប៉ុន្មានក្នុងមួយឆ្នាំ? តើបែបបទនៃការបង់ពន្ធប៉ាតង់ត្រូវបង់បែបណា ? តើពន្ធប៉ាតង់ប្រចាំឆ្នាំ ចាប់ផ្ដើមបង់និងដាក់លិខិតប្រកាសពន្ធពី ខែណាដល់ខែណា ?

ថ្ងៃទី ៖ 27-09-2022, ដោយ BTN | 209 Views

អាករស្នាក់នៅ

អាករលើការស្នាក់ត្រូវបានកំណត់តាមអត្រា ២% លើការស្នាក់នៅក្នុងសណ្ឋាគារ ផ្ទះសំណាក់ ក្នុងព្រះរាជាណាចក្រកម្ពុជា។ អ្នកជាប់ ពន្ធដែលធ្វើការផ្គត់ផ្គង់សេវាស្នាក់នៅត្រូវទទួលខុសត្រូវក្នុងការបង់ប្រាក់អាករនេះជូនរដ្ឋបាលសារពើពន្ធ យ៉ាងយឺតបំផុតត្រឹមថ្ងៃទី២០ នៃខែបន្ទាប់ពីខែដែលមានការផ្គត់ផ្គង់។

ថ្ងៃទី ៖ 27-09-2022, ដោយ BTN | 166 Views

អាករពិសេសលើទំនិញ និងសេវាមួយចំនួន

អាករពិសេសលើទំនិញ និងសេវាមួយចំនួន ត្រូវបានកំណត់លើទំនិញនិងសេវាមួយចំនួន។ ទំនិញដែលជាប់អាករនេះរួមមានស្រា(៣៥%)ស្រាបៀរ(៣០%) និងបារី(២០%)។ ចំពោះសេវាដែលជាប់អាករនេះមានសេវាលម្ហែកម្សាន្តនិងសេវាដឹកអ្នកដំណើរតាមផ្លូវ អាកាស(១០%) និងសេវាទូរស័ព្ទ(៣%)។ អ្នកជាប់ពន្ធដែលផលិតទំនិញ ឬផ្គត់ផ្គង់សេវាទាំងនេះត្រូវទទួលខុសត្រូវក្នុងការបង់ប្រាក់អាករ នេះជូនរដ្ឋបាលសារពើពន្ធយ៉ាងយឺតបំផុតត្រឹមថ្ងៃទី២០ នៃខែបន្ទាប់ពីខែដែលមានការផ្គត់ផ្គង់។

ថ្ងៃទី ៖ 22-09-2022, ដោយ BTN | 145 Views